Yasmen's blog

السلام عليكم ورحمة الله وبركاته سبحان الله وبحمده سبحان الله العظيم الشتا قرب واخييرا  فاضل ايام بسيطة وندخل فى الشتا رسمى وطبعا اكبر مشكلة بالنسبة لينا هى الجفاف فحبيت النهاردة اتكلم عن شوية نصايح هتفيدكوا بأذن الله لحل المشكلة دى نبدأ بسم الله: الخطوة الاولى والاهم : شرب المياه من المعروف جدا وكل الناس دايما تتكلم عنه هو شرب المياه خصوصا ان فى الشتاء ناس كتير مش بتشرب مياه  الخطوة التانية : الترطييييب  ودى الخطوة اللى كتير بينسى يعملها الترطيب مهم جدا خصوصا فى الشتا بسبب البرد والسقعة ولازم يكون مرتين يوميا او اكتر كمان  الخطوة الثالثة : التقشير  الجلد الميت بيتكون على الجسم صيف وشتا ولازم يتعمل تقشير لجسمك مرة او مرتين فى الاسبوع منتجات انصحكوا بيها للعناية : صنفرة السكر وزيت الزيتون من احلى المقشرات للجسم وارخصها وممكن تستبدلى السكر بملح صنفرة القهوة والملح وزيت الزيتون برده من المقشرات اللى تجنن بجد وممكن تغيرى الزيوت زى جوز الهند او الجوجوبا او زيت اللوز او حتى البيبى اويل بالنسبة للمرطبات : فى مرطبات كتير جربتها وا...

السلام عليكم ورحمة الله وبركاته  لا حول ولا قوة الا بالله  بوست النهاردة متأخر جدا المفروض انزله من بدرى جدااا بس جيه وقته واخيرااا عن المكواه اللى بستخدمها للشعر نبدأ بسم الله مكواة براون  ساتن هير 7    Barun satin hair 7 المكواه عن بقالها فترة كبيرة غالبا سنة اواقل سعرها 400 او 700 السعر كان قبل زيادة الدولار  المكواه سيراميك مافيهاش بخار , فيها تقنية  colour saver technology  يعنى المكواه بتحافظ على لون الشعر بمعنى لو عاملة صبغة هتحافظ على اللون ودى حاجة مأخدتش بالى منها  انا جبت المكواه عشوائى بمعنى رحت المحل وشوفت المميزات واخترت دى بس طبعا معرفش انها مخصصة للشعر المصبوغ لانى مش بصبغ شعرى ولا عندى النية بس حبيت اقول عن النفطة دى  ونصيحة : قبل ماتشترى اى جهاز ابحثى عنه الاول وابحثى صح بمعنى ابحثى فى موقع الماركة نفسهااو موقع الاجنيه عموما وانزلى شوفى الاجهزة قبل الشراء نيجى لتشغيل المكواه فى زر on/ off بتطولى على الزرار المكواه بتشتغل  دى الزراير والشاشة  اما ب...

بسم الله الرحمن الرحيم استغفر الله العلى العظيم السلام عليكم يابنات كيف الحال ؟ ان شاء الله كلكوا بخير تدوينة النهاردة عن مجموعة سترونج فيل strong ville المنتجات من شركة مصرية اسمها parkville ليها عدة منتجات زى صن بلوك بوباى اللى اتكلمت عنه قبل كده  المجموعة بستخدمها من اخر شهر 5 تقريبا  كان سعر المجموعة 175كان  نازل عليها عرض وسعرها الاصلى 205 ومتوافرة فى الصيدليات ودلوقتى جيه وقت اقول تجربتى كاملة  فى المجموعة هى عبارة عن شامبووسبراى وكريم تقدروا تشتروا كل منتج منفصل على فكرة وكل واحد سعره اقل من 100 الشامبو مكوناته زيت الارغان والكيراتين وبيوتين وزيت الجوجوبا  وزيت الزيتون و emu oil (معرفوش ) الشامبو علبته بلاستيك ضغاط ضغطتين منه او 3 بالكتير كفاية رغوته متوسطة مش قوية اوى وده لانه مافهوش سلفات صوديوم  ريجته ريجة زيت ارغان وده غالبا لانه المكون الاول فبالتالى ريحته قوية  رأيى فيه : الشامبو ممتاز ناسب طبيعة شعرى الجافة بيحتاج حمام كريم بعده اكييد لكن مش بيجففه زيادة وارجع اشتريه تانى  الكريم مكوناته كي...

السلام عليكم ورحمة الله وبركاته سبحان الله وبحمد سبحان الله العظيم وعودة لمدونتى ,, اعترف انى مقصرة جدا جدا بس احيانا مش بيبقى عندى طاقة للكتابة او التصوير او الافكار بس ده بيبقى طبيعي بتيجى فترة ملل  المهم النهاردة واخيرا هنزل تجربتى مع مجموعة فيت مى (الفاونديشن والبودر والكونسيلر ) بقالى فترة بستخدمهم وحان الوقت للريفيو  نبدأ بسم الله فاونديشن فيت مى fit me matte poreless سعره 152 ج متوافر فى استاندات ميبلين  الفاونديشن مخصص للبشرة العادية والمختلطة والدهنية ( انا بشرتى مختلطة )  قوامه شبه مائى خفيف الدرجة اللى عند اغمق منى بس بالنسبة ليا بحب استخدم الغامق والدرجة جاية على اصفر بيناسبنى الدرجات الصفرا بيندمج بسهولة وبينشف بسرعة مش بيكون مات زى ماهم كاتبين لكن سيمى مات فيه ريحة لكن خفيفة ومش قوية تغطيته خفيفة لمتوسطة تقدرى تحطى طبقتين منه مش بيكلكع شخصيا حبيبته جدا ويعتبر من مفضلاتى للسنة لانه خفيف ويناسب بشرتى كمان الحلو كانك مش حاطة حاجة يناسب اكتر البنات اللى معندهاش عيوب هتحبه جدا , كمان الحلو انه متوافر ب6 درجات فيناسب الاغلب , كمان م...

مساء الخير  واحتشتونى وواحشنى التدوين لكن الفترة اللى فاتت مخى فاضى رغم انى مسجلة افكار بس كسل تقريبا النهاردة حبيت اتكلم معاكوا عن منتجات كنت بستخدمها الفترة اللى فاتت ورأيى فيها  نبدأ بسم الله منتجات العناية بالشعر : الفترة اللى فاتت غيرت روتين عنايتى بشعرى كاملا حتى الزيوت كمان ماعدا حمام الكريم لانى مرتاحة عليه   حاليا بستخدم مجموعة سترونج فيلا للشعر STRONG VILLE  هى مجموعة من انتاج شركة مصرية خالية من الكيماويات وغيره هتكلم عنها قريب جدااا بس النهاردة هتكلم عن الشامبو فقط شامبو سترونج فيل سعره 65 ج متوافر فى الصيدليات الكبيرة الشامبو كميته كبيرة بقاله معايا فترة  قوامه شفاف ريحته زيت ارجان جميلة ضغطتين 3 كفاية جدا مش بينشف الشعر مش بيطلع رغوة وده لانه خالى من سلفات الصوديوم شخصيا عجبنى وارجع اجيبه تانى خصوصا سعره مناسب  ليف ان كونشينر من بايوبلس سعره 85 او 95 ج من زمان كنت حابة اجربه كنت قريت عنه فى جروب كان سعره ساعتها 45 ج  ريحته عطرية  فكرته انك بتستخدميه على شعر مبلول بعد ماتغسليه ...

السلام عليكم ورحمة الله وبركاته  سبحان الله وبحمده سبحان الله العظيم وحشتونى وواحشنى المدونة جدا وخصوصا اللى بياخده من وقتهم ويقروا كل حرف انا بكتبه  شكرا ليكوا جدا بجد واخر الابديت ليا انى الحمد لله والشكر لله اتخرجت مبسوطة جدا بانى خلصت  المهم حبيت اكتبلكوا عن المرطبات اللى جربتها للبشرة المختلطة والدهنية لان اكتر سؤال بتسأل فيه  انا ممكن مجربتش كتير لكن حبيت المنتجات اللى جربتها وحبيت اقولكوا عنها  نبدأ بسم الله مرطب نيفيا سوفت فى منه احجام كتير من صغيرة لكبيرة واسعاره من 9 ل20 او اعلى شوية متوافر فو السوبر ماركت والصيدليات قوامه كريمى ترطيبه حلو مش بيدهنن لكن فيه عيب قوى فى كحول وريحته عطرية غير ان بعد استخدامى ليه بفترة طلعلى حبوب مش كتير حبايتين تقريبا  بس ممكن ارشحه لو ميزانيتك بسيطة بس لو بشرتك حساسة يبقى بلاش كريم بيبانثين  كريم طبى متوافر فى الصيدليات لكن ناقص فى الدول عموما سعره يعتبر اقتصادى تقريبا 42 جنيه ريحته دوا لكن مقبولة قوامه خفيف قريب من اللوشن يعتبر مائى ترطيبه جميل جدا وخفيف البش...