ريفيو عن مكواة براون للشعر + barun satin hair 7

السلام عليكم ورحمة الله وبركاته 

لا حول ولا قوة الا بالله 

بوست النهاردة متأخر جدا المفروض انزله من بدرى جدااا

بس جيه وقته واخيرااا عن المكواه اللى بستخدمها للشعر

نبدأ بسم الله

مكواة براون ساتن هير 7 

 Barun satin hair 7

المكواه عن بقالها فترة كبيرة غالبا سنة اواقل سعرها 400 او 700 السعر كان قبل زيادة الدولار 

المكواه سيراميك مافيهاش بخار , فيها تقنية 

colour saver technology 

يعنى المكواه بتحافظ على لون الشعر بمعنى لو عاملة صبغة هتحافظ على اللون ودى حاجة مأخدتش بالى منها 

انا جبت المكواه عشوائى بمعنى رحت المحل وشوفت المميزات واخترت دى بس طبعا معرفش انها مخصصة للشعر المصبوغ

لانى مش بصبغ شعرى ولا عندى النية بس حبيت اقول عن النفطة دى 

ونصيحة : قبل ماتشترى اى جهاز ابحثى عنه الاول وابحثى صح بمعنى ابحثى فى موقع الماركة نفسهااو موقع الاجنيه عموما وانزلى شوفى الاجهزة قبل الشراء

نيجى لتشغيل المكواه فى زر on/ off بتطولى على الزرار المكواه بتشتغل 

دى الزراير والشاشة 

اما بتشغليها بتبقى احمر الاول 

واما تسخن بتبقى اخضر كده هى جاهزة للاستخدام

فيها 3 مستويات ليها 

مستوى fine 

مستوى normal 

مستوى thick

وده بتضبطيه على حسب حالة شعرك ناعم ولا سميك ولا عادى انا بعمله على المستوى الوسظ يعنى العادى  من ساعة ما جبته وهو كده مضبطوش بتزودتى او تنقصى من زرار + _

فيها كمان ميزة كويسة جدا بعد تشغيلها بنص  ساعة بتنور وتطفى عشان لو نستيها ولا حاجة احتياطى امان وغيره وكماان سلكها يعتبر مناسب

انصح بيها ولا لا ؟

انصح بيها جدا ومرتاحة معاها بس لو شعرك مجعد اكتر هتحتاجى حاجة احلى وممكن تناسبك بس مش نتيجة واوا لكن هتخليه ناعم واملس

ان شاء الله هنزلكوا روتين المكواه سواء هنا او على الفيس والانستجرام وبس اتمنى تكونوا استفدتوا