مقارنة بين ماء ميسلارغارنيه وبيوديرما Garnier Vs Bioderma

السلام عليكم ورحمة الله وبركاته 

لاحول ولاقوة الا بالله 

ازيكم عاملين ايه عارفة انى مقصرة فى المواضيع هنا بس ان شاء الله ارجع التزم 

موضوع النهاردة مقارنة بين منظفين ميكاج ورأيى اشخصى فيهم

bioderma sensible h2o

Vs

garnier micellar water 

المنتجين دول دايما فى مقارنة بينهم ناس كتير حبت غارنيه وناس كتير بتفضل بيوديرما انا هذكرلكوا رأيى فى كل واحد وانهى المفضل ليا

نبدأ بسم الله ,,

bioderma sensible h2o

 كنت جبته من فترة من صيدلية العزبى فى عرض واحد كبير (250 مللى )اللى فى الصورة وحجم اصغر حوالى 100 مللى بسعر 155 ج العرض حلو وكل فترة بينزل 

مكتوب عليه انه مزيل للميكاج ومنظف للبشرة 

فى منه نوع تانى اخضر للبشرة الدهنية لكن النوع ده للبشرة الحساسة 

ودى مكوناته 

مميزاته :

-بينضف الميكب من اول مرة 

-مش بتحاجى تعيدى عليه تانى

-مش بيحسس البشرة ولا العين نهائى

-قطنةواحدة بتنجز الموضوع جدااا

- لما بغسل الميكاج بالفرشاة والغسول مش بيطلع فاونديشن الا كمية قليلة جدااا واحيانا مش بيطلع

عيوبه :

-سعره يعتبر غالى الحجم الصغير ب88 ج فيتعبر غالى جدا 

=فى ريحة مش ريحة كحول لكن مقبولة بس كنت افضل انه من غير ريحة 

تقيمى ليه 10\10 رغم سعره الا انى ارجع اكرره تانى

garnier micellar water 

نزل فى مصر بقاله فترة كبيرة كام شهر تقريبا كنت جربته من سنتين اما كنت فى السعودية وجربته وكنت نزلت رأيى فيه 
بس رجعت جبته تانى عشان انزل ريفيو عنه 

فى منه حجمين الصغير حوالى 125 مللى سعره 34 ج والحجم الكبير 90 ج تقريبا
دى مكوناته

مميزاته:
-سعر رخيص مقارنة ببيوديرما
-مافيهوش ريحة نهائى

عيوبه :
- بياخد وقت فى ازالة الميكب خصوصا لو ميكب تقيل
-بعد ما اغسل وشى بالغسول والفرشاة بيكون لسه فى بقايا للفاونديشن 

بالنسبة ليا استخدامه المفيد كتونر او منظف قبل الميكب 

تقيمى ليه 3\10 ومش هرجع اجيبه تانى

وبس دى كانت المقارنة وطبعا بيوديرما يفوووووز 


اتمنى تكونوا استفادتوا وتابعونى على الانستجرام والفيس بوك

فيس بوك :Everything for lady
انستجرام : yasmen_blog