تجربتى مع منتجات لوريال للعناية بالبشرة / منتجات لوريال للعناية بالبشرة
صباح الخير :) نبدأ اول تدوينة حبيت تكون اول تدوينة عن اخر منتجات عناية بالبشرة جربتها , المجموعة اللى هتكلم عنها من لوريال ( استخدمت المزيل والمرطب والغسول ) Hydra-total 5 الغسول مخصص للبشرة العادية والمختلطة ( انا بشرتى مختلطة ) قوامه جيل خفيف , ريحته مش مزعجة . مش بينشف البشرة . ملوش اى تأثير على الدهون مجرد بس بيدى اشراقة موقته , حلو جدا فى الشتا لكن فى الصيف لا سعره تقريبا 70 جنيه , استخدمه مع فرشاة الوجه من ذى بودى شوب حليب منظف غنى سعره 65 مناسب للبشرة الجافة والعادية , ميزته انه موفر يعنى نقطة كفاية للعين ونقطتين للوجه , شوية بيدهنن , بيشيل الميكب الخفيف من اول مرة والميكب التقيل ممكن مرتين ويشيله تماما , ريحته مش مزعجة المرطب جل كريم لترطيب طول اليوم سعره 70 جنيه ريحته نفاذة شوية , مينفعش للبشرة الحساسة , مخصص للبشرة العادية والمختلطة , ترطيبه خفيف ومش دايم ,معتقدش ارجع اجيبه تانى ,كمان البعض بيقول فيه برابين واخير ماء ميسيلار سعره 65 حلو جدا بينظف البشرة من الميكب من اول مرة , مش بيدهنن خالص , حبيته اكتر من مزيل غارنيه بس