المرطبات اللى جربتها للبشرة المختلطة والدهنية
السلام عليكم ورحمة الله وبركاته
سبحان الله وبحمده سبحان الله العظيم
وحشتونى وواحشنى المدونة جدا وخصوصا اللى بياخده من وقتهم ويقروا كل حرف انا بكتبه
شكرا ليكوا جدا بجد
واخر الابديت ليا انى الحمد لله والشكر لله اتخرجت مبسوطة جدا بانى خلصت
المهم حبيت اكتبلكوا عن المرطبات اللى جربتها للبشرة المختلطة والدهنية لان اكتر سؤال بتسأل فيه
انا ممكن مجربتش كتير لكن حبيت المنتجات اللى جربتها وحبيت اقولكوا عنها
نبدأ بسم الله
مرطب نيفيا سوفت فى منه احجام كتير من صغيرة لكبيرة واسعاره من 9 ل20 او اعلى شوية متوافر فو السوبر ماركت والصيدليات
قوامه كريمى ترطيبه حلو مش بيدهنن لكن فيه عيب قوى فى كحول وريحته عطرية غير ان بعد استخدامى ليه بفترة طلعلى حبوب مش كتير حبايتين تقريبا
بس ممكن ارشحه لو ميزانيتك بسيطة بس لو بشرتك حساسة يبقى بلاش
كريم بيبانثين
كريم طبى متوافر فى الصيدليات لكن ناقص فى الدول عموما
سعره يعتبر اقتصادى تقريبا 42 جنيه
ريحته دوا لكن مقبولة قوامه خفيف قريب من اللوشن يعتبر مائى ترطيبه جميل جدا وخفيف البشرة تمتصه بسرعة وابدا مطلعليش حبوب
عيبه الوحيد انه غير متوافر وعليه سحب دايما بس لولقتيه هاتيه وهاتيلى معاكى D:
لوشن بيبانثين سعره 60 جنيه متوافر فى الصيدليات
ريحته عطرية شوية قوامه لوشن مائى حبيت اجربه للبشرة وكتبت ريفيو على الانستجرام عنه
قوامه اتقل شوية من الكريم مش بيمتص بسهولة وترطيبه خفيف شخصيا محبتوش للبشرة فبستخدمه للجسم بعد الشاور
كريم هيدرا توتال 5 من لوريال سعره 65 جنيه متوافر فى الصيدليات والسوبر ماركت
الكريم اتكلمت عنه فى اول تدوينة ليا
الكريم عطرى قوامه جيل مناسب اكتر للبشرة العادية والمختلطة بيمتص بسهولة لكن مش بسرعة بياخد شوية وقت طوال فترة استخدامى ليه مطلعليش حبوب ابدا واكيد ارجع اشتريه لو حبيبت اغير
كريم فيتامين e سعره 95 ج متوافر فى محلات ذى بودى شوب
الكريم ليه ريحه عطرية وخفيف وترطيبه يناسب اكتر البشرات العادية والمختلطة والدهنية شخصيا عجبنى وانصح بيه لكن عيبه سعره غالى على حجمه فى منه حجم اكبر بس سعره اغلى اعتقد 200 وشوية
الكريم دلوقتى اتغير ونزل منه كريم نهار وكريم ليل
كريم فيتامين e سعره 95 ج متوافر فى محلات ذى بودى شوب
الكريم ليه ريحه عطرية وخفيف وترطيبه يناسب اكتر البشرات العادية والمختلطة والدهنية شخصيا عجبنى وانصح بيه لكن عيبه سعره غالى على حجمه فى منه حجم اكبر بس سعره اغلى اعتقد 200 وشوية
الكريم دلوقتى اتغير ونزل منه كريم نهار وكريم ليل
واخيرا كريم من لاروش بوذيه اتكلمته عنه قبل كده فى تدوينة
شخصيا انا حبيت الكريم ويبقى عندى توب 1 ويعتبر بديل اغلى لبيبانثين وارجع اشتريه تانى
وبس دى اكتر المرطبات اللى حبتها للبشرة المختلطة والدهنية لو جربتوا مرطب للبشرة وحبيتوهقولولى اجربه
توفر منتجات العناية بالبشرة مجموعة متنوعة من الحلول المخصصة لتلبية احتياجات كل فرد. وبفضل توافر مجموعة كبيرة من المنتجات مثل الكريمات والسيرومات والغسولات، يمكن للأشخاص الاختيار من بينها وفقًا لمشاكل بشرتهم الخاصة. تعتبر منتجات العناية بالبشرة أساسية للحفاظ على صحة البشرة وتحقيق النتائج المرغوبة للحصول على بشرة نضرة وصحية ومشعة.
ردحذف