تجربتى مع مجموعة سترونج فيل للشعر (منتجات مصرية) strong ville

بسم الله الرحمن الرحيم

استغفر الله العلى العظيم

السلام عليكم يابنات كيف الحال ؟

ان شاء الله كلكوا بخير

تدوينة النهاردة عن مجموعة سترونج فيل strong ville المنتجات من شركة مصرية اسمها parkville

ليها عدة منتجات زى صن بلوك بوباى اللى اتكلمت عنه قبل كده 

المجموعة بستخدمها من اخر شهر 5 تقريبا 

كان سعر المجموعة 175كان  نازل عليها عرض وسعرها الاصلى 205 ومتوافرة فى الصيدليات

ودلوقتى جيه وقت اقول تجربتى كاملة 

فى المجموعة

هى عبارة عن شامبووسبراى وكريم تقدروا تشتروا كل منتج منفصل على فكرة وكل واحد سعره اقل من 100

الشامبو مكوناته زيت الارغان والكيراتين وبيوتين وزيت الجوجوبا  وزيت الزيتون و emu oil (معرفوش )

الشامبو علبته بلاستيك ضغاط ضغطتين منه او 3 بالكتير كفاية رغوته متوسطة مش قوية اوى وده لانه مافهوش سلفات صوديوم 
ريجته ريجة زيت ارغان وده غالبا لانه المكون الاول فبالتالى ريحته قوية 
رأيى فيه : الشامبو ممتاز ناسب طبيعة شعرى الجافة بيحتاج حمام كريم بعده اكييد لكن مش بيجففه زيادة وارجع اشتريه تانى 

الكريم مكوناته كيراتين , بيوتين ,زيت بذرةالقمح , صبار, حبة البركة , eruca oil , فيتامين e

الكريم قوامه خفيف ومش دهنى ريحته مختلفة عن الشامبو مش عارفة اوصفها بس مش وحشة ينفع للشعر الدهنى لانه خفيف ومش دهنى بالنسبة ليا ترطيبه خفيف جدا مالوش تأثير يذكر على الهيشان واللى هو مشكلتى الكبيرة , بيدى لمعة حلوة للشعر خصوصا بعد الشاور لكن مش هرجع اشتريه تانى

السبراى hair tonic
مكوناته كافين ,سيلكون سائل ,بيوتين , الجينسنغ , شاى اخضر , الكامويل  ,زيت الزيتون , eruca oil

السبراى قوامه خفيف ريحته قريبة من الشامبو رغم انه مافيهوش ارجان مش بيدهنن الفروة ولا الشعر مستعملتوش فترة كبيرة معنديش خلق الانتظام عليه يمكن ده اقل حاجة استعملتها لكن كويس ومن مميزاته بيخلى تسريح الشعر اسهل ويدى لمعة للشعر


هل المجموعة دى ليها تأثير على التساقط او مشاكل الشعر ؟
بالنسبة ليا معنديش تساقط فى شعرى الحمدلله لكن لاحظت ان شعرى شوية طول فقط مشفتش تأثير تانى , الحاجة الوحيدة اللى عحبانى فيها انها كانت بتخلى ريحة شعرى حلوة جداااا بس واللى ارجع اشتريه اكيد بعد ما المجموعة تخلص هو الشامبو لانه عجبنى جدااا

وبس ده ريفيو بسيط عن المجموعة اتمنى يفيدكوا