get ready with me to Aid تجهزوا معايا للعيد
السلام عليكم ورحمة الله وبركاته
سبحان الله وبحمده سبحان الله العظيم
كل سنة وانتوا طيبين رمضان قرب يخلص ينعاد علينا بالخير فعلا محستش برمضان خالص الوقت بيعدى بسرعة جدااا فحاولوا استغلوا الوقت الباقى كويس خصوصا العشرة الاواخر
مبدأيا حبيبت اشاركوا شوية من مشترياتى وتجهيزاتى للعيد وان شاء الله احاول اطبق معاكوا على الانستجرام
عاوزة اقولكوا حاجة حاولوا كل عيد تعملوا حاجة جديدة تشتروا لنفسكوا حتى لو روج حسسوا نفسكوا ببهجة العيد واهتموا بنفسكوا وغيروا شوية فى نفسكوا عشان تنبسطوا
نبدأ بسم الله
المشتريات :
الميكب
حبيبت اجيب كام حاجة من الميكب جديدة من الميكب
فاونديشن ميبلين المات سعره 150 ج متوافر فى اى ستاند من ميبيلن , نزل من كام يوم فحبيت اجربه مبدأيا جربته مرة خفيف ويندمج بسرعة بس مجربتوش فترة كافية الدرجة اللى جبتها 120 شوية غامقة بس معنديش مشكلة افتحها بالباودر
وكمان جبت ماسكرا جديدة من ايسنس ملقتش برنسس لاش جبت دى
وكحل بنى من كاتريس وليب لاينر درجته قريبه من الكشمير تقريبا الاتنين سعرهم 50 ج
منتجات العناية :
مشترتش الا حاجة واحدة بس للاسف وهى زبدة البريتش روز من ذى بودى شوب سعرها 200 ج حبيت اجيب حاجة جديدة استخدمها للعيد ريحتها ورد وهادية
الاكسسوارات:
جبت كام حاجة بسيطة للبيت البسها فى البيت لانى بحب البس فى البيت
حلق بسيط لكن شكله فى اللبس جميل بجد
وسلسلة بسيطة وبس كده
العناية :
مبدأيا مافيش عناية فى كام يوم هتغير ولا هتعالج مشاكل فيكى بقالها كتير
فالروتين اللى هقولوا ده ينفع للى دايما مهتمين
الشعر
انا حابة قبل العيد اقص شعرى بس شوية منه الاطراف التالفة واقص القصة شوية نفسى
بالنسبة للعناية بيه هتكون كالاتى :
انا شعرى مساميته منخفضة فاللى هعمله مناسب لاصحاب المسامية المنخفضة
كل 3 ايام هستخدم زيت الجرجير على الفروة مناسب للى مساميتهم منخفضة فقط على الفروة
وعلى الشعر هستخدم معلقتين زبادى ومعلقتين عسل ومعلقة زيت جوجوبا
الماسك بيرطب الشعر شوية مستخدمتوش الا مرة وعجبنى
بالنسبة للمنتجات فهى دى حاليا استخدم مجموعة سترونج فيل ( بجربها حاليا واما تخلص هقول رأى فيها )
وبالنسبة لحمام كريم فهو من بانويل حلو جدا واتكلمت عنه قبل كده روتينى الحالى للعناية بالشعر / My current routine for hair care
والترطيب اليومى بس لا اكتر ولا اقل
وقبل العيد بيوم ناوية استخدم المقشر اللى كنت اتكلمت عنه قبل كده هنا pamper day , يوم للدلع : مقشر طبيعى للشعر والبشرة والشفايف والجسم
البشرة:
برده كل 3 ايام هعمل تقشير بمقشر خفيف زى ستيفيز اتكلمت عنه فى الانستجرام
اسم الاكونت yasmen_blog
وبعدين هعمل ماسك من الماسكات اللى اتكلمت عنها ماسكاتى المفضلة ( طبيعية وجاهزة )
لكن قبل العيد بيوم هعمل ماسك الطمى المغربى وبعدين ماسك ترطيب
وبس هى ده روتين العناية فقط لان بشرتى مش محتاجة زيادة الحمدلله
وبالنسبة للشفايف برده ترطيب يوميا واعمل تقشير بسكر بنى وعسل
الجسم
برده كل 3 ايام صنفرة للجسم وبادكير للايد والرجل اتكلمت عن طريقة البادكير على البيدج للى حابب يشوفها
لكن الجسم هتكون صنفرتى المفضلة
سكر وزيت زيتون وقهوة وهضيف معاه زيت ورد
ويوميا بعد الشاورهحافظ على الترطيب للايد والرجل والركب والكوع بكريم جليسوليد وفازلين
وده بالنسبة ليوم العيد دى هتكون تجهيزاتى ان شاء الله
كالاتى
طبعا قبليها بيوم هكون واخدة شاور واعمل صنفرتى المعتادة للجسم وللبشرة اللى اتكلمت عنهم فوق
بالنسبة للشعر حبيت ناوية اعمل تقشير لفروة الرأس فالخطوات كالاتى
-اعمل المقشر
-احط حمام كريم على شعرى
- اغسل بشامبو للقشرة
حبيت احط حمام الكريم الاول لانى ناوية اعمل شعرى ولو حطيت حمام الكريم الاول هيخلى شعرى نايم جدا ومافيهوش حيوية
بالنسبة لكوى الشعر هستخدم سيروم ايفرى سترند نقطة بسيطة وبعدين اكويه ولازم يكون الشعر ناشف
وبس كل سنة وانتوا طيبين يعود علينا رمضان بالخير يارب
بالنسبة للشعر حبيت ناوية اعمل تقشير لفروة الرأس فالخطوات كالاتى
-اعمل المقشر
-احط حمام كريم على شعرى
- اغسل بشامبو للقشرة
حبيت احط حمام الكريم الاول لانى ناوية اعمل شعرى ولو حطيت حمام الكريم الاول هيخلى شعرى نايم جدا ومافيهوش حيوية
بالنسبة لكوى الشعر هستخدم سيروم ايفرى سترند نقطة بسيطة وبعدين اكويه ولازم يكون الشعر ناشف
وبس كل سنة وانتوا طيبين يعود علينا رمضان بالخير يارب
وكل التفاصيل هشاركوا على انستجرامى ان شاء الله
تعليقات
إرسال تعليق