تجربتى مع لاروش بوزيه للبشرة الدهنية
السلام عليكم ورحمة الله وبركاته
لاحول ولاقوة الا بالله العلى العظيم
النهاردة حبيت اتكلم عن تجربتى مع منتجات لاروش بوذيه للبشرة الدهنية من اكتر الشركات الطبية اللى انتشرت الفترة اللى فاتت وحبيت اجربها عشان اكتب تجربتى ليكوا
نبدأ بسم الله ..
غسول ايفلاكار اتش aflcar h سعره 149 جنيه حجمه 200 مللى متوافر فى الصيدليات :
الغسول جيل شفاف ريحته مقبولة نقطة منه كويسة جدا للبشرة كاملة طريقته زى اى غسول تغسلى بيه بشرتك بعد ماتبليها بمياه وبحركات دائرية تغسليه وبس
مميزاته بالنسبة لى :
بينظف البشرة حلو من الدهون وبقايا الميكب
اكتر مية حبيتها فييه انه بيخلى سطح الانف ناعم ونظيف
ليه تأثير على الحبوب بينشفها مع انه سبب للحبوب
حجمه كبير تقريبا يقعد معاكى 4 شهور او اكتر
عيوبه :
بعد كام يوم من استتخدامى له لاحظت ان جوانب الانف بعد ما اغسل بالغسول مشدودة وكمان بعديها لقيتها جافة ومقشرة مع العلم ان بشرتى مختلطة عادية
تانى عيب لاحظت انه بيطلع حبوب صغيرة لكن بعد كام يوم بتروح ولما بحثت فهمت انه بيطلع الحبوب تحت الجلد بالنسبة ليا مكنتش كتير
نصحتيى يناسب البشرة الدهنية فقط اكتر من المختلطة ولو بشرتك جافة ابعدى عنه تمام ومناسب كمان للى عندهم حبوب بس نتيجته هتاخد وقت شوية
عن نفسى اما يخلص مش هرجع اشتريه تانى
مرطب للبشرة الدهنية من لاروش بوزيه سعره 159 جنيه متوافر فى الصيدليات حجمه 40 مللى
من احسن المرطبات اللى جربتها يعتبر top 1 لحد الان
الكريم قوامه جيل مائل للمائى اكتر ريحته مقبولة نقطة بسيطة تكفى الرقبه والوجه بيمتص بسرعة فى خلال ثوانى بمجرد ما تمديه على بشرتك شخصيا حبيت وهكرره تانى وتالت فيه شبه كبييرلكريم بيبانثين
عيوبه :
حجمه صغير وسعره غالى
وبس هو ده ريفيو اليوم وان شاء الله يكون افادكم
تعليقات
إرسال تعليق