ريفيو عن مزيل الميكاج من ايفا
السلام عليكم ورحمة الله وبركاته
استغفر الله العظيم
كل عام وانتوا بخير رمضان مبارك عليكم اجمعين
بقالى فترة منزلتش تدوينة بسبب امتحانات التخرج والحمد لله خلصت وبدأت اجازتى النهاردة
ريفيو النهاردة عن مزيل الميكاج من ايفا بالكولاجين ,, فى الحقيقة انا مش صديقة اوى لمنتجات ايفا معجبنتيش كلها لكن المزيل ده ابهرنى
نبدأ بسم الله ..
مزيل الميكاج للعين والشفاه من ايفا بالكولاجين سعره 42 جنيه متوافر فى الصيدليات والسوبر ماكتس
المزيل قوامه نصه زيت ونص مياه مخصص لميكاج العيون والشفايف انا استخدمته للوجه كامل وعجبنى جدا جدا بيشيل الميكب كله من اول مرة تقريبا حتى الماكسرا بتحتاجى تعيدى مرتين بس عليها, لطيف على العين ومش بيسبب اى احمرار او حرقان ريحته لطيفة غالبا عطرى
طريقة استخدامه :
- ترجى العبوة بحيث يختلط الزيت مع المياه
- تحطى شوية على قطنة وتبدأى تمسحى المكيب كله وبعدين تغسلى وشك بغسول عادى
وبس طريقنه سهلة وانصح بيه جدااا لو عاوزة مزيل ميكب سعره مناسب ورخيص
ملحوظة مش محددين لاى نوع بشرة لانه للعين بس انا بشرتى مختلطة عادية وناسبنى الحمد لله
وبس انتهى ريفيو اليوم
تعليقات
إرسال تعليق