اتخلصت من القشرة بطرق سهلة + ريفيو لشامبو نيزابكس
بسم الله الرحمن الرحيم
سبحان الله العظيم سبحان الله وبحمده
صباح الامتحانات والمذاكرة , طبعا معظمنا امتحانتهم قربوا وانا منكوا ربنا معانا كلنا ومتنسوش تصلوا وتشدوا حيلكوا فترة وتعدى ان شاء الله ربنا يرزقنا تقدير عالى
النهاردة حبيت اتكلم عن القشرة بقالى فترة بعانى منها فقررت اغير الشامبو اللى بستخدمه لشامبو للقشرة
شامبو نيزابكس سعره 22,5 جنيه متوافر فى اى صيدلية
كنت بدور على شامبو نيزورال بس ملقتوش الصيدلى رشحلى ده بداله قلت اجربه
الشامبو على شكل انبوبة عريضة الشامبو لونه احمر قوامه شبه سائل ولزج ريحته عادية طريقة استعماله مكتوبه عليه ممكن يستخدم على اجزاء مصابة من الجسم ,كمية بسيطة تتحط على الفروة وتدلكيها وتسبيهت 5 دقايق تقريبا وبهده تغسليه , بينشف الشعر زى اى شامبو للفشرة فلازم بعديه حمام كريم او بلسم
استخدمته الى نصه تقريبا ولاحظت ان القشرة خفت تمامااا الى الان اختفت تقريبا انصح بيه جميل ومتوافر وسعره مناسب
كمان من الحاجات الاضافية اللى ساعدت انى اتخلص من القشرة هو زيت النعناع
استخدمه مرة فى الاسبوع اخلط منه نص غطاء تقريبا مع 3 ملاعق زيت زيتون لانه حامى على الفروة شوية بيدى احساس انتعاش لكن مفعوله جميل , مش عارفة سعره كام بس اعتقد رخيص
كمان احيانا بخلط نقطة مع شامبو القشرة
وبس دى طريقتى اللى خلصتنى من القشرة اتمنى تفيدكوا ولو استفادتوا عرفونى
facebook:everything for lady
instgram:yasmen_blog
تعليقات
إرسال تعليق