روتين الشاور اليومى

السلام عليكم ورحمة الله وبركاته

سبجان الله وبحمده سبحان الله العظيم

بما ان الصيف دخل والحر والشمس ( الله يعين ) فحبيت انزلكوه تدوينة بسيطة عن روتين \ خطوات الشاور اليومى عشان الحر وفى النفس الوقت جسمك ميجفش من كتر المياه ,, طبعا مش هحتاج اوصيكوا تلبسوا حاجات خفيفة و

فى نفس الوقت طرية وقطن وابعدوا عن الباديهات ومتنسوش الصن بلوك والمياه داييما

نبدأ بسم الله ..

حاولوا دايما تجمعوا منتجات الشاور فى مكان واحد عشان متكسلوش وبرده جهزوا كذا طقم كامل من الهدوم عشان تنجزوا اسرع وياريت لو تاخديه قبل ماتنزلى 

الشعر:

غسيل الشعر مش يوميا حتى لو الجو حر كفاية مرتين او تلاتة لو شعرك دهنى عشان ميجفش ويتقصف

حاليا بستخدم شامبو نيزابكس لان عندى قشرة مبدأيا حبيته بس هستنى اما يعنى فترة اطول واشوف تأثيره بكتفى بس بمرتين فى الاسبوع او مرة عشان شعرى جاف

حمام الكريم بستخدم بانويل حمام زيت جميل سعره 46 ج فى منه حجم صغير بيرطب الشعر ويطريه 

الجسم :

الشاور جيل للجسم كامل حاليا استخدم شاور جونسون الجديد خفيف وبريحة الورد لكن خفيف جدااا لطيف على البشرة بيدى ترطيب للجسم لكن ترطيب متوسط 

ممكن تستخدمى صابون مرطب للبشرة كبديل للشاور جيل زى دوف اوجونسون الاتنين كويسين جدااا واحسن من الصابون العادى

وكمان شاور جيل من بالماويلف

ترطيبه جميل وهو من مفضلاتى لـ 2016 اتكلمت عنه هنا

مزيل العرق:
من اهم الحاجات فى العالم خصوصا بالصيف انا شخصيا افضل مزيل العرق اللى مرتاحله هو

 مزيل دوف جميل جدا وكريمى من مفضلات 2016 حبيت الستيك اكتر من الرول

غسول سيتيال من احلى ما جربت لمنطقة الاندر ارم مش بينشف خالص ولا بيجفف وبينظف  جربت كتير ومش لاقياه زيه جمييل وسعره رخيص تقريب 12 ج 
بالنسبة لاستخدامه للمنطقة الحساسة احيانا بستخدمه تقريبت مرة كل اسبوعين او مرة كل شهر يفضل مرة كل اسبوع فقط عن نفسى اشوف ان المياه كافية لنظافة المنطقة الحساسة يوميا بس 

الفترة الحالية استخدم غسول كيرفرى بما انه نزل مصر رأيى انه خفيف جدا وبينظف مسببليش اى مشاكل فعلا حلو


بالنسبة للترطيب فى خيارات كتير حاليا بستخدم لوشن بيبانثين اتكلمت عنه هنا على انستجرامى وفى حاجات تانية حلوة 

للاستخدام اليومى زى جونسون كلوشن او زيت ترطيبهم متوسط وجميييل

وبس كده ده روتين بسيط للشاور اليومى بمناسبة الصيف الجميييل 

facebook:everything for lady

instgram:yasmen_blog

Email:yasmen785@hotmail.com