افضل باليت ايشادوا : ايسنس ولا كاتريس ؟!

بسم الله الرحمن الرحيم

اللهم صلى على سيدنا محمد

بما ان ميكب العين من اساسيات الميكب وهو اللى بيحلى الميكب فحبيت اعمل مقارنة بين اخر باليت ايشادوا استخدمتهم من الدراق ستور واسعارهم مناسبة انهى حبيتها اكتر وتنفع للمبتدأين

فى البداية انا اعتبرشوية جديدة فى تعليم ميكب العين والايشادوا بصفة خاصة وبما ان عينى مبطنة حبيت اركز اكتر على الالوان النيود وده اللى هتلاحظوا من اختيار الوان الباليت

نبدأ بسم الله,,

باليت كاتريس chocolate nudes سعرها 120 او 130 ج

اول باليت ايشادوا اشتريتها فيها 6 الوان كلها درجاتها ع بنيات فى 3 مات و3 شيمر ملمسها ناعم اللى حد ما شوية صعبة فى الدمج محتاجة دمج كتير كمان عاوزة بريمر عشان اللون يبقى قوى مش كل الالوان بيجمنتها عالى فى لونين فى الباليت مش بيظهروا خالص اقوى لون هو البنى اولواحد والباقى ضعيف  بيجى معاه فرشاة كويسة لكن شعرها بيقع 

باليت ايسنس nudes سعرها 120 ج او اقل 

مؤخرا عملت ايسنس 4 باليت ايشادوا متوافرين فى مصر كل باليت فيها 8 الوان متقاربة من بعض انا اخترت الـ nudes

ملمس ناعم جدا كل الوان اللى فى الباليت البيجمنت بتاعها عالى بتندمج بسهولة جدااا وثباتها قوى حتى بدون بريمر او كونسيلر حبيتها جدااا كباليت ايشادوا وناوية اجيب واحدة كمان منها لانها فعلا عجبتنى وانصح بيها جدا لو انتى مبتدأة وعاوزة باليت متوافرة تتعلمى بيها

من تجربتى ايسنس احسن بكتير جدا وانصح بيها اى حد عاوز يشترى باليت ايشادوا

ملحوظة جربت باليت اماندا لكن بيجمنت بتاعها ضعيف جداا وكواليتى سيئ فمنصحش بيها خالص