تجربتى مع منتجات اماندا ميلانو

السلام عليكم ورحمة الله وبركاته
استغفر الله العلى العظيم

النهاردة هتكلم عن تجربتى مع منتجات اماندا ميلانو , اماندا ميلانو شركة مصرية اسعارهاا مناسبة للمعظم وبعض المنتجات جودتها كويسة الماركة متوافرة فى كارفور المعادى وداندى مول وكارفور اسكندرية وكمان محلات سو ماتش وحاليا فى صيدليات سيف دى الاماكن اللى اعرفها
دى المنتجات اللى هتكلم عنها النهاردة

فاونديشن اماندا نودلوك amanda nude look سعره 88 جنيه

الفاونديشن متوافر منه 6 درجات تناسب المعظم اختارت درجة 5 تناسب القمحاويين اكتر وانا بشرتى فاتحة بفتحها بباودرو احيانا  لا لانى بقيت احب اغمق بشرتى اكتر
مميزات اللى مكتوبة على المنتج 

-كريمى وسهل الفرد على البشرة :الفاونديشن كريمى تقيل وشوية دمجه صعب محتاجة تتدمجيه بسرعة
-بيدى لوك طبيعى لمدة ٢٤ ساعة : اطول فترة جربته فيها ٩ ساعات ثباته حلو على البشرة ينفع مناسبات او لو يومك طويل
-لايسد المسام : ودى نقطة كويسة بس مااقدرش احكم فيها صح ولا غلط لانى مش بستخدمه يوميا
-ضد المياه وفى حماية ١٠ :جربته على ايدى وغسلتها بالمياه الفاونديشن مختفاش فضل موجود مع العرق كمان والدهون مكنش بيطلع ولا بيسيح
_مناسب لجميع انواع البشرة : النقطة دى اشوفها غلط لان الفاونديشن اويلى فرى مناسب اكتر البشرة المختلطة العادية والدهنية ، الجافة منصحش بيه تمام

رأيى فيه وعيوبه :
سعره مناسب كفاونديشن كويس مع العلم انه سعره غلى حاليا ب120 ، الدرجة اللى معايا ٥ فأغمق منى ،تناسب القمحااوين اكتر جربتها على بنت قمحاوية طلعت جميلة عليه وشكل البشرة حلو ، تغطيته بالنسبة لبشرة خالية من العيوب كويسة جدا وعاليه فَلَو انتى بشرتك كويسة بلاش منه وهاتى حاجة اخف ، تغطيته تعتبر متوسطة الى كاملة ، لو كترى طبقات هيبقى كيكى جدااا وباين ان فى طبقات فكفاية طبقة واحدة ، صعب تفرديه بفرشة محتاج بيوتى بلندر او بايدك ، غير مناسب للاستعمال كل يوم ، الفينش بتاعه مات بس مش بيقى بودر

ارجع أشتريه تانى ولا لا

لا ، لان بالنسبة لبشرتى مش محتاجة تغطية عالية الحمد لله ، وكمان كريمى جدا وانا أميل اكتر للسائل بس كفاونديشن مناسبات ممتاز او لو يومك طويل
 



لوس باودر من نود لوكاماندا سعرها 45 او 55 ج

البودر من نفس مجموعة الفاونديشن فى منها درجتين لكن لما تنفرد على البشرة بتبقى شفافة اكتر مميزاتها : ناعمة خفيفة جدااا مبتعكسش الفلاش ابدا او تبان على البشرة بتيجى معاها اسبونج ممكن تستخدميها بس انا احب الفرشة اكتر 
عيوبها :انها مش وتر بروف ذى الفاونديشن وده بالنسبة ليا عيب بالذات فى الصيف احتاج باودر تطفى بشرتى من الدهون والعرق 
بتتدخل فى الخطوط ولو معندكيش خطوط بتبينها ليكى اكتر فمشيستخدمها على اماكن الجافة او الخطوط
دى الدرجة الى بستخدمها

ماسكرا ميجا لاش من اماندا سعرها45 او 55 ج


الماسكرا فرشتها بالشكل ده 
بالنسبة ليا حبيتها جدااا كاستعمال يومى بتدى طول للرموش حلو ومش بتكلكع ابدااا بتتمسح بسهولة عكس ماسكرا ايسنس بتاخد وقت فى المسح , العيب الوحيد ليها انها مش وتر بروف لكن كاستعمال يومى تنفع اكتر ومأذتش رموشى ابدااا واكيد ارجع اجيبها

روج من لاين اماندا نود لوك سعره كان 45 ج


 اللى متابعينى من زمان يعرفوا ان الروج ده من المفضلات ليا
الروج كريمى فيه من درجات متنوعه ريحته سفن اب :D اللون جميل جدا , بعد ما بيتحط على الشفايف بيبان كانه قطعة واحدة ومش بيبان الخطوط وكمان بيرطب عيبه الوحيد انه مش  ثابت مع الاكل او الشرب بيروح لكن شخصيا حبيته وبفضله
ده سواتش للروج

super long wear matt lipstick سعره 45ج

الروج من اخر مجموعة نزلوها فيها الوان متنوعة اللون جديدعليا لكن طلع حلو اول مرة جربته قولت هو ده الروج اللى انا مستيناه فعلا ثباته حلو جدااا لكن بعد استخدمين تلاتة اما اجى احط على الشفايف يعمل خط ابيض او اصفر مش عارفة ايه السبب حتى مسحت الجزء اللى فوق بس برده لازالت موجودة ولكن لما حطيت تحته ليب بالم مبقتش موجودة المشكة مع العلم ان شفايفى مش جافة انصح بيه جدااا بس لازم ترطيبه قبله
وده سواتش للون

بلاشرمن اماندا نيود سعره فى حدود 45 او 35 ج

عندهم خيارات بلاشر كتير ومتنوعة تقريبا 8 الوان حجمه صغير مناسب للشنطة ثباته معقول 5 ساعات تقريبا انا اخدت الدرجة اللى على بنى شوية تنفع كبرونز لبشرة الفاتحة لونه مايل على رمادى اكتر من بنى محمر بس مينفعش كنتور فيه شوية جليتر ممكن اكرره خصوصا سعره حلو 
ودى درجته

المناكيرات:

 اماندا عندهم 3 مجموعات من المناكير جربت نوعين اول واحد 

مناكير last&shine سعره تقريبا 25 او 30


هو اللى على الشمال فرشته عريضة فبالنسبة ليا منجز الوانهم كتيرة جدا وعندهم تعدد فى الوان , المناكير ينفع فقط لاستخدام يوم واحد بعد كده بيقشر لوحده بينشف نسيبا بسرعة درجته 470 ممكن ارحع اجيب منه لو عجبنى لون

مناكيرstrong long lastin 7 day سعره 27 ج

فرشته عريضة لكن اللون جدا خفيف محتاج طبقتين عشان يوضح بالنسبة لثباته جدا ضعيف يوم بس مش 7 ايام رغم انى استخدم توب كوت معاه ممكن اجيب منهم لو لون عجبنى 

وبس ,, دى كل المنتجات اللى جربتها من اماندا وحبيت اوثقهم هنا لان كتير بيسأل عن منتجاتهم خصوصا اسعارهم مناسبة للجميع 

تابعونى على 

facebook:everything for lady


instgram :yasmen_blog

تعليقات

المشاركات الشائعة من هذه المدونة

خطوات ازالة الشعر بالشيفينج (نصائح ومنتجات )

تجربتى مع مجموعة سترونج فيل للشعر (منتجات مصرية) strong ville