Yasmen's blog

السلام عليكم ورحمة الله وبركاته سبجان الله وبحمده سبحان الله العظيم بما ان الصيف دخل والحر والشمس ( الله يعين ) فحبيت انزلكوه تدوينة بسيطة عن روتين \ خطوات الشاور اليومى عشان الحر وفى النفس الوقت جسمك ميجفش من كتر المياه ,, طبعا مش هحتاج اوصيكوا تلبسوا حاجات خفيفة و فى نفس الوقت طرية وقطن وابعدوا عن الباديهات ومتنسوش الصن بلوك والمياه داييما نبدأ بسم الله .. حاولوا دايما تجمعوا منتجات الشاور فى مكان واحد عشان متكسلوش وبرده جهزوا كذا طقم كامل من الهدوم عشان تنجزوا اسرع وياريت لو تاخديه قبل ماتنزلى  الشعر: غسيل الشعر مش يوميا حتى لو الجو حر كفاية مرتين او تلاتة لو شعرك دهنى عشان ميجفش ويتقصف حاليا بستخدم شامبو نيزابكس لان عندى قشرة مبدأيا حبيته بس هستنى اما يعنى فترة اطول واشوف تأثيره بكتفى بس بمرتين فى الاسبوع او مرة عشان شعرى جاف حمام الكريم بستخدم بانويل حمام زيت جميل سعره 46 ج فى منه حجم صغير بيرطب الشعر ويطريه  الجسم : الشاور جيل للجسم كامل حاليا استخدم شاور جونسون الجديد خفيف وبريحة الورد لكن خفيف جدااا لطيف على البشرة بيدى ترط...

السلام عليكم ورحمة الله وبركاته استغفر الله العلى العظيم بما ان كتير بيسألونى عن طرق اكل الشوفان بطريقة صحية ومفيدة للدايت فحبيت اقولكوا انا باكله ازاى جربوها وهستنى رأيكوا ده الشوفان اللى بستخدمه حاليا سعره 24 فى منه لونه ازرق وحبه كاملة بس من تجربيتى كله واحد فهاتى اللى تلاقيه شوفان باللبن والفواكه والمكسرات : اكتر طريقة شائعة وسهلة ومشبعة ولذيذة وسريعة  المكونات : 5 ملاعق شوفان حبة كاملة او متوسطة اللى تحبيه + نص كوباية لبن + الفواكه اللى تحبيها موز او فراولة او توت + مكسرات لو تحبى الطريقة : حطى الشوفان على النار وقلبيه شوية وبعدين حطى اللبن وسبيه لحد ما يتقل ويغلى وضيفى معاه قرفة الفرفة بتدى طعم جميل للشوفان وبعدين حطيه فى طبق وعليه فاكهة وسكر بنى او عسل وكده جاهز للاكل سموذى الشوفان والفواكه بحب الطريقة دى جداا ولذيذة وتدى شعور بالسعادة المكونات : 4 ملاعق شوفان + نص كوباية لبن + ربع كوباية مياه + موزة  الطريقة : حطى المكونات كلها فى الخلاط واضربيها كويس ومش هتحتاج لسكر ممكن تحطى اى فاكهة بس الموز اكت...

بسم الله الرحمن الرحيم اللهم صلى على سيدنا محمد بما ان ميكب العين من اساسيات الميكب وهو اللى بيحلى الميكب فحبيت اعمل مقارنة بين اخر باليت ايشادوا استخدمتهم من الدراق ستور واسعارهم مناسبة انهى حبيتها اكتر وتنفع للمبتدأين فى البداية انا اعتبرشوية جديدة فى تعليم ميكب العين والايشادوا بصفة خاصة وبما ان عينى مبطنة حبيت اركز اكتر على الالوان النيود وده اللى هتلاحظوا من اختيار الوان الباليت نبدأ بسم الله ,, باليت كاتريس chocolate nudes سعرها 120 او 130 ج اول باليت ايشادوا اشتريتها فيها 6 الوان كلها درجاتها ع بنيات فى 3 مات و3 شيمر ملمسها ناعم اللى حد ما شوية صعبة فى الدمج محتاجة دمج كتير كمان عاوزة بريمر عشان اللون يبقى قوى مش كل الالوان بيجمنتها عالى فى لونين فى الباليت مش بيظهروا خالص اقوى لون هو البنى اولواحد والباقى ضعيف  بيجى معاه فرشاة كويسة لكن شعرها بيقع  باليت ايسنس nudes سعرها 120 ج او اقل  مؤخرا عملت ايسنس 4 باليت ايشادوا متوافرين فى مصر كل باليت فيها 8 الوان متقاربة من بعض انا اخترت الـ nudes ملمس ناعم جدا كل الوان اللى ف...

السلام عليكم ورحمة الله وبركاته استغفر الله العلى العظيم النهاردة هتكلم عن تجربتى مع منتجات اماندا ميلانو , اماندا ميلانو شركة مصرية اسعارهاا مناسبة للمعظم وبعض المنتجات جودتها كويسة الماركة متوافرة فى كارفور المعادى وداندى مول وكارفور اسكندرية وكمان محلات سو ماتش وحاليا فى صيدليات سيف دى الاماكن اللى اعرفها دى المنتجات اللى هتكلم عنها النهاردة فاونديشن اماندا نودلوك amanda nude look سعره 88 جنيه الفاونديشن متوافر منه 6 درجات تناسب المعظم اختارت درجة 5 تناسب القمحاويين اكتر وانا بشرتى فاتحة بفتحها بباودرو احيانا  لا لانى بقيت احب اغمق بشرتى اكتر مميزات اللى مكتوبة على المنتج  -كريمى وسهل الفرد على البشرة :الفاونديشن كريمى تقيل وشوية دمجه صعب محتاجة تتدمجيه بسرعة -بيدى لوك طبيعى لمدة ٢٤ ساعة : اطول فترة جربته فيها ٩ ساعات ثباته حلو على البشرة ينفع مناسبات او لو يومك طويل -لايسد المسام : ودى نقطة كويسة بس مااقدرش احكم فيها صح ولا غلط لانى مش بستخدمه يوميا -ضد المياه وفى حماية ١٠ :جربته على ايدى وغسلتها بالمياه الفاونديشن مختفاش فضل موجود مع العرق كمان...