pamper day , يوم للدلع : مقشر طبيعى للشعر والبشرة والشفايف والجسم

السلام عليكم ورحمة الله وبركاته
لااله الا الله محمد رسول الله

بما اننا فى ويكند وداخلين على ميدترم وعاوزين ندلع نفسنا فى البيت ونهتم بيها قبل ما ندخل فى زحمة المذاكرة والامتحانات وعاوزين نهتم باقل التكاليف فانا جيت النهاردة اكلكموا عن 
مقشرات للشعر والبشرة والشفايف والجسم بمكونات متوفرة وسهلة 

نبدأ بسم الله ,,

مقشر لفروة الرأس :

فروة الرأس زيها زى بشرة الجلد محتاجة تقشير كل فترة عشان تجدد الخلايا وتحرك الدورة الدموية وتخلصك من القشور والتراكمات الدهنية وتسمح للشعر بأنه ينمو من جديد والفروة نفسها تتنفس
المكونات : معلقة كبيرة سكر بنى ( ممكن ابيض عادى ) وزيت جوز الهند ( لانه من الزيوت الخفيفة) ممكن تضيفى قطرة زيت شجرة الشاى عشان يطهر الفروة ويخلص من القشرة 
الطريقة : مرة شهريا وعلى شعر جاف تاخدى كمية بسيطة وتحركى بحركات دائرية براحة وتاخدى كمية كمان وتعملى بحركات دائرية لمدة 15 دقيقة تقريبا وبس اغسلى شعرك بشامبو وكملى حمامك عادى

مقشر للبشرة:

المكونات : معلقة قهوة او بقايا قهوة وزيت زيتون او زيت ورد
الطريقة : كل اسبوع مرة او مرتين على بشرة نظيفة بعد ماتغسليها بالغسول خدى كمية بسيطة وبحركات دائرية بسيطة وكرريها لمدة 5 دقايق مثلاوبعدين اغسلى بشرتك عادى وممكن بعديها تحطى اى ماسك تحبيه
وده لينك روتين الماسكات

مقشر للشفايف :

المكونات: سكر بنى ومعلقة زيت زيتون وكبسولة فيتامين e
الطريقة : مرة كل اسبوع او مرتين تستخدمى السكراب على شفايف بنفس الطريقة لمدة 5 دقايق وممكن تبدلى الزيت بعسل وبعدين تغسلى وترطبى شفايفك 

مقشر للجسم:



المكونات :4 ملاعق قهوة واى زيت تفضليهه ومعلقتين ملح
الطريقة :مرة كل اسبوع اومرتين على بشرة مبلولة خدى كمية وافركى بحركات دائرية بسيطة على كامل الجسم ( حتى الاندر ارم والبكينى ) وبعدين اغسلى جسمك كويس ورطبيه
وممكن تستبدليه بملح الحليب 

ملحوظة : القهوة مش هتسمر الجسم بس اغسلى كويس وكمان هتساعد فى تنشيط الدورة الدموية ومحاربة السليولايت والترهلات

حركى فى حركات دائرية بسيطة لان لو علمتى جامد هتقلب باسمرار

وبس كده الموضوع سهل ومش هياخد وقت منك وبعد كده اشربى مشروب بتحبيه انا اخترت نسكافيه بالكراميل

والبسى حاجة حلوة ومتنسيش ترطبى جسمك وشفايفك وبشرتك


instgram:yasmen_blog

تعليقات

إرسال تعليق

المشاركات الشائعة من هذه المدونة

تجربتى مع مجموعة سترونج فيل للشعر (منتجات مصرية) strong ville

صورة
بسم الله الرحمن الرحيم استغفر الله العلى العظيم السلام عليكم يابنات كيف الحال ؟ ان شاء الله كلكوا بخير تدوينة النهاردة عن مجموعة سترونج فيل strong ville المنتجات من شركة مصرية اسمها parkville ليها عدة منتجات زى صن بلوك بوباى اللى اتكلمت عنه قبل كده  المجموعة بستخدمها من اخر شهر 5 تقريبا  كان سعر المجموعة 175كان  نازل عليها عرض وسعرها الاصلى 205 ومتوافرة فى الصيدليات ودلوقتى جيه وقت اقول تجربتى كاملة  فى المجموعة هى عبارة عن شامبووسبراى وكريم تقدروا تشتروا كل منتج منفصل على فكرة وكل واحد سعره اقل من 100 الشامبو مكوناته زيت الارغان والكيراتين وبيوتين وزيت الجوجوبا  وزيت الزيتون و emu oil (معرفوش ) الشامبو علبته بلاستيك ضغاط ضغطتين منه او 3 بالكتير كفاية رغوته متوسطة مش قوية اوى وده لانه مافهوش سلفات صوديوم  ريجته ريجة زيت ارغان وده غالبا لانه المكون الاول فبالتالى ريحته قوية  رأيى فيه : الشامبو ممتاز ناسب طبيعة شعرى الجافة بيحتاج حمام كريم بعده اكييد لكن مش بيجففه زيادة وارجع اشتريه تانى  الكريم مكوناته كي...
قراءة المزيد

خطوات ازالة الشعر بالشيفينج (نصائح ومنتجات )

صورة
السلام عليكم ورحمة الله وبركاته لاحول ولاقوة الا بالله العظيم النهاردة حبيت اتكلم معاكوا من واحدة من طرق ازالة الشعر وهو الشيفينج (الحلاقة) طبعا الطريقة منتشرة من زمان وانا شخصيا استخدمها بين فترة وفترة يعنى على حسب الاحتياج  طيب نبدأ بتعريف الشيقينج : عبارة عن طريقة تشيلى الشعر ولكن مش من الجذور فقط من على سطح البشرة وده السبب اللى بيخلى الشعر يطلع بسرعة وكل واحدة وعلى حسب طبيعة جسمها النهاردة هتكلم عن طريقتى الخاصة فى الازالة والمنتجات اللى جربتها كمان وايه اللى فادنى وايه اللى لا  دى كل الحاجات اللى بستخدمها شخصيا  نبدأ بالماكينة وهى جيليت فينوس الوردية  اشتريتها من السعودية قبل ماتنزل مصر كانت ب100 او 120 جنيه بقالها معايا 4 سنين تقريبا بيجى معاها راس زيادة كمان عشان تغيريها اما التانية تبوظ   الرأس ممكن تشتريها لوحدها موجودة فى الصيدليات 4 روؤس ب65 جنيه اعتقد دلوقتى غليت بس لو مش بتستخدمى الحلاقة كتير فهتقعد معاكى فترة كبيرة  الرأس الواحدة ممكن تعمل كذا مرة اكتر من 5 مرات بشرط تنظيفها بعد كلل استخدام وتشليها فى مكان نظي...
قراءة المزيد

تجربتى مع منتجات اماندا ميلانو

صورة
السلام عليكم ورحمة الله وبركاته استغفر الله العلى العظيم النهاردة هتكلم عن تجربتى مع منتجات اماندا ميلانو , اماندا ميلانو شركة مصرية اسعارهاا مناسبة للمعظم وبعض المنتجات جودتها كويسة الماركة متوافرة فى كارفور المعادى وداندى مول وكارفور اسكندرية وكمان محلات سو ماتش وحاليا فى صيدليات سيف دى الاماكن اللى اعرفها دى المنتجات اللى هتكلم عنها النهاردة فاونديشن اماندا نودلوك amanda nude look سعره 88 جنيه الفاونديشن متوافر منه 6 درجات تناسب المعظم اختارت درجة 5 تناسب القمحاويين اكتر وانا بشرتى فاتحة بفتحها بباودرو احيانا  لا لانى بقيت احب اغمق بشرتى اكتر مميزات اللى مكتوبة على المنتج  -كريمى وسهل الفرد على البشرة :الفاونديشن كريمى تقيل وشوية دمجه صعب محتاجة تتدمجيه بسرعة -بيدى لوك طبيعى لمدة ٢٤ ساعة : اطول فترة جربته فيها ٩ ساعات ثباته حلو على البشرة ينفع مناسبات او لو يومك طويل -لايسد المسام : ودى نقطة كويسة بس مااقدرش احكم فيها صح ولا غلط لانى مش بستخدمه يوميا -ضد المياه وفى حماية ١٠ :جربته على ايدى وغسلتها بالمياه الفاونديشن مختفاش فضل موجود مع العرق كمان...
قراءة المزيد