My everyday makeup 💄/ ميكاجى اليومى



السلام عليكم ورحمة الله وبركاته

بوست النهاردة عن الميكاج اليومى اللى بستعمله ..
قبل ماأبدأ حبيت بس اقول ان كل بشرة غير التانية واللى يناسبك غير اللى يناسبى وكمان الاذواق تختلف من شخص لشخص .. نبدأ بسم الله





 تقريبا دى كل المنتجات اللى استخدمها بشكل يومى انا بشرتى مختلط بتدهن بس فى الجبهة والانف لكن بيقت الوجه عادى كمان معنديش عيوب محتاجة تغطية فالمنتجات دى تناسبى
نبدأ بالاساس :

بعد ما أغسل بشرتى وارطبها بستعمل الصن بلوك من صن سينس اتكلمت عنه قبل كده هنا وبعدين احط منتج من التلاتة اللى فى الصورة واحيانا البى بى كريم والبودر

 bb cream garnier سعره مناسب تقريبا 70 او اقل ينفع للبشرة الدهنية والمختلطة تغطية متوسطة ثباته حلو لكن مع العرق بيسيح 
bbcream pond's مش متوافر فى مصر مجرد لون خفيف وتغطية خفيقة مينفعش نهائى فى الصيف 
باودر ريميل كانت ب85 احب فيها انها تتطفى اللمعة اللون اللى فى الصورة شقاف لكن مش بتثبت المكيب اوى ممكن استخدمها لوحدها وممكن مع البى بى كريم ولو حطيتى كذا طبقة بتدى لون بسيط 

 ثانيا البلاشر:

 اكتر بلاشر استعمله حالياهو كاتريس لونه طبيعى ومافيهوش شيمر وممكن استخدمه لوحده من غير اساس وثابت سعره كان 75 
بلاشرات ايسنس برده كويسة بس فيها شيمر وثابتها متوسط جدااا واللون ده لو اتحط مع برونز بيبقى وحش عن نفسى مش هكرر بلاشراتهم تانى

 الماسكرات:
اكتر ماسكرات حلوة للاستعمال اليومى هى ايسنس سعرها حاليا 80 او 70 بس مناسبة مش وتر بروف ومش بتأذى الرموش
الماسككرا البينك حلوة لكن اما بستخدمها مع ماسكرا تانية 
والى لونها اصفر طبيعية جدااا قريبا هتكلم عن ماسكراتهم

 برده ماسكرا مايبيلن حلوة يوميا 
كحل ريميل جميل جدا جدا لونه بيج هادى ثباته متوسط ناعم على العين فى اى لوك لازم اتخدمه وكمان طبيعى معرفش سعره فى مصر للاسف
الارواج
اكتر ارواج احبها حاليا 
ايسنس سعره مناسب ثباته متوسط سعره تقريبا 55
روج \ى بودى شوب سعره 200 بكن لونه حلو وخفيف على الشفايف 
اماندا له سواتش على انستجرامى حلو وكريمى بس مش ثابت بس جميل 
فلورمار محبتوش مش كريمى بس لو تحته مرطب بيبقى حلو
اهم خطوة قبل الروج هى الترطيب استعمل حاليا هيمالايا حلوة لكن مافهاش حماية من الشمس وريحتها مش لطيفة

 وبس كده خلصت يارب تكونوا استفادتوا ونتقابل فى بوست تانى
Instgram:yasmen_blog

تعليقات

إرسال تعليق

المشاركات الشائعة من هذه المدونة

تجربتى مع مجموعة سترونج فيل للشعر (منتجات مصرية) strong ville

صورة
بسم الله الرحمن الرحيم استغفر الله العلى العظيم السلام عليكم يابنات كيف الحال ؟ ان شاء الله كلكوا بخير تدوينة النهاردة عن مجموعة سترونج فيل strong ville المنتجات من شركة مصرية اسمها parkville ليها عدة منتجات زى صن بلوك بوباى اللى اتكلمت عنه قبل كده  المجموعة بستخدمها من اخر شهر 5 تقريبا  كان سعر المجموعة 175كان  نازل عليها عرض وسعرها الاصلى 205 ومتوافرة فى الصيدليات ودلوقتى جيه وقت اقول تجربتى كاملة  فى المجموعة هى عبارة عن شامبووسبراى وكريم تقدروا تشتروا كل منتج منفصل على فكرة وكل واحد سعره اقل من 100 الشامبو مكوناته زيت الارغان والكيراتين وبيوتين وزيت الجوجوبا  وزيت الزيتون و emu oil (معرفوش ) الشامبو علبته بلاستيك ضغاط ضغطتين منه او 3 بالكتير كفاية رغوته متوسطة مش قوية اوى وده لانه مافهوش سلفات صوديوم  ريجته ريجة زيت ارغان وده غالبا لانه المكون الاول فبالتالى ريحته قوية  رأيى فيه : الشامبو ممتاز ناسب طبيعة شعرى الجافة بيحتاج حمام كريم بعده اكييد لكن مش بيجففه زيادة وارجع اشتريه تانى  الكريم مكوناته كي...
قراءة المزيد

خطوات ازالة الشعر بالشيفينج (نصائح ومنتجات )

صورة
السلام عليكم ورحمة الله وبركاته لاحول ولاقوة الا بالله العظيم النهاردة حبيت اتكلم معاكوا من واحدة من طرق ازالة الشعر وهو الشيفينج (الحلاقة) طبعا الطريقة منتشرة من زمان وانا شخصيا استخدمها بين فترة وفترة يعنى على حسب الاحتياج  طيب نبدأ بتعريف الشيقينج : عبارة عن طريقة تشيلى الشعر ولكن مش من الجذور فقط من على سطح البشرة وده السبب اللى بيخلى الشعر يطلع بسرعة وكل واحدة وعلى حسب طبيعة جسمها النهاردة هتكلم عن طريقتى الخاصة فى الازالة والمنتجات اللى جربتها كمان وايه اللى فادنى وايه اللى لا  دى كل الحاجات اللى بستخدمها شخصيا  نبدأ بالماكينة وهى جيليت فينوس الوردية  اشتريتها من السعودية قبل ماتنزل مصر كانت ب100 او 120 جنيه بقالها معايا 4 سنين تقريبا بيجى معاها راس زيادة كمان عشان تغيريها اما التانية تبوظ   الرأس ممكن تشتريها لوحدها موجودة فى الصيدليات 4 روؤس ب65 جنيه اعتقد دلوقتى غليت بس لو مش بتستخدمى الحلاقة كتير فهتقعد معاكى فترة كبيرة  الرأس الواحدة ممكن تعمل كذا مرة اكتر من 5 مرات بشرط تنظيفها بعد كلل استخدام وتشليها فى مكان نظي...
قراءة المزيد

تجربتى مع منتجات اماندا ميلانو

صورة
السلام عليكم ورحمة الله وبركاته استغفر الله العلى العظيم النهاردة هتكلم عن تجربتى مع منتجات اماندا ميلانو , اماندا ميلانو شركة مصرية اسعارهاا مناسبة للمعظم وبعض المنتجات جودتها كويسة الماركة متوافرة فى كارفور المعادى وداندى مول وكارفور اسكندرية وكمان محلات سو ماتش وحاليا فى صيدليات سيف دى الاماكن اللى اعرفها دى المنتجات اللى هتكلم عنها النهاردة فاونديشن اماندا نودلوك amanda nude look سعره 88 جنيه الفاونديشن متوافر منه 6 درجات تناسب المعظم اختارت درجة 5 تناسب القمحاويين اكتر وانا بشرتى فاتحة بفتحها بباودرو احيانا  لا لانى بقيت احب اغمق بشرتى اكتر مميزات اللى مكتوبة على المنتج  -كريمى وسهل الفرد على البشرة :الفاونديشن كريمى تقيل وشوية دمجه صعب محتاجة تتدمجيه بسرعة -بيدى لوك طبيعى لمدة ٢٤ ساعة : اطول فترة جربته فيها ٩ ساعات ثباته حلو على البشرة ينفع مناسبات او لو يومك طويل -لايسد المسام : ودى نقطة كويسة بس مااقدرش احكم فيها صح ولا غلط لانى مش بستخدمه يوميا -ضد المياه وفى حماية ١٠ :جربته على ايدى وغسلتها بالمياه الفاونديشن مختفاش فضل موجود مع العرق كمان...
قراءة المزيد