تجربتى مع صن بلوك صن سينس / My experience with Sun Block sun sense

السلام عليكم ورحمة الله وبركاته

صن بلوك صن سينس sun sense سعره 179 جنيه

كتير سألتونى على الانستجرام والفيس بوك عن الصن بلوك ده حبيت اخد وقت عشان اجربه فترة كافية  ..  انا كنت حابة اخد صن بلوك لاروش بوذيه الجيل وكان خلصان من الصيدليات فاخد ده بديل عنه  .. الصن بلوك مخصص للبشرة الدهنية وكمان فى حماية منuvb , uva 

المنتج غير دهنى , الكلام مش صحيح الصن بلوك بيلمع اول ما تحطيه بعد شوية اللمعة بتختفى بس مش بيدهن اوى الا لو زدتى الكمية

ده لونه من جوه بيج لكن اما بتحطيه بيتقلب شفاف ريحته عادى مش وحشة ولا حلوة

ده شكله على البشرة الكمية كفاية للبشرة , والصورة التانية بعد مادمجته بيدى لمعة بسيطة

رأيى فيه كويس جدا فعلا من استخدامه مسمرتش الحمد لله ولكن مش وتر بروف يعنى مع العرق شوية دهنى مع انه مخصص للبشرة الدهنية (بشرتى مختلطة ) شخصيا مش هرجع اشتريه تانى من رأيى ينفع للمختلطة والعادية 
 وبس ده كان ريفيو  النهاردة شاركونى بصن بلوك بتستخدمه حاليا ؟